Russiýanyň Ukrainanyň ençeme sebitine uran zarbalary netijesinde asuda ilatyň arasyndan bir adam öldi, başga-da sekizsi ýaralandy. Bu barada resmiler 7-nji maýda habar berdiler.
Donetsk regionynyň ýerli administrasiýasynyň başlygy Wadym Filaşkiniň maglumatyna görä, sebitiň Petriwka şäherinde bir adam heläk bolupdyr, Kostýantyniwkada hem dört adam ýaralanypdyr.
Harkiwiň häkimi Oleh Synýehubow Izýum etrabyndaky Borowa obasyna urlan zarbada üç adamyň, şol sanda 16 ýaşly bir gyzyň şikeslenendigini aýtdy.
Hersonyň häkimi Oleksandr Prokudin öz sebitinde bir adamyň ýaralanandygyny aýtsa, Dninpropetrowsk regionynyň häkimi Serhiý Lysak Nikopol şäherine edilen hüjümde gaz geçirijä zeper ýetendigini mälim etdi.