Russiýanyň Sibir sebitindäki Ýakutsk şäherinde onlarça demonstrantyň ýerli bir ýaşaýjynyň milleti täjik bolandygy aýdylýan biri tarapyndan öldürilmegine garşy geçiren protestiniň dowamynda, polisiýa ençeme adamy saklady.
Gözli şaýatlaryň sözlerine görä, 24-nji ýanwarda Ýakutskyň Ýeňiş meýdançasyna 50 töweregi adam jemlenenden soň, kanun goraýjylar azyndan 15 adamy saklapdyrlar.
Polisiýa adam öldürmekde şübhelenýäniň tussag edilendigini, şeýle-de onda rus pasportynyň bardygyny aýdyp, protestçileri dargatjak boldy.
20-nji ýanwarda Ýakutskyň Namsky etrabynda bir ýaşaýjy pyçaklanyp öldürildi. Munuň yzy bilen, protestler tutaşdy.