Täjigistanda polisiýanyň ozalky polkownigi Akmal Ýusufzoda uniwersitetiň bir mugallymyny alyp gaçamakda we soňy bilen öldürmekde günäli tapylyp, 19 ýyl türme tussaglygyna höküm edildi. Geçen hepde bolan diňlenişik barada 5-nji martda Täjigistanyň Ýokary sudy Azatlyk Radiosyny habarly etdi.
28-nji fewralda sud Yusufzodanyň şärigi we garyndaşy Ismoiljon Şukurowy hem 12 ýyl türme tussaglygyna höküm etdi. Ol geçen ýylyň tomsunda Yusufzoda mugallym Ismoiljon Rahmonowy alyp gaçmaga, şeýle-de soňy bilen onuň ellerini arkasynda daňyp, derýa oklamaga hemaýat bermekde günäli tapyldy.
Derňewçileriň maglumatyna görä, Ýusufzodanyň hereketleri gabanjaňlykdan ugur alypdyr, ýagny ol Rahmonowy aýaly bilen gatnaşyk saklamakda şübhelenipdir.