Owganystanda ähli ýaşly gyzlara, adatça diňe oglanlar üçin niýetlenen, dini mekdeplerde bilim almaga rugsat berilýär diýip, 21-nji dekabrda “Talybanyň” resmisi “The Associated Press” neşirine aýtdy.
Bilim ministrliginiň metbugat wekili Mansor Ahmad hökümetiň gözegçiligi astyndaky dini medreselerde okamak üçin, gyzlara ýaş çägi çäklendirmeleriniň ýokdugyny aýtdy.
BMG-niň ýörite wekili Roza Otunbaýewanyň 20-nji dekabrda BMG-niň Howpsuzlyk geňeşinde beren maglumatyna görä, Owganystanda gyzlaryň yslam mekdeplerinde okap bilýändigi barada “barha köp tassyklanmadyk” maglumatlar gowuşýar.