Ukrainanyň Goranmak ministriniň orunbasary Hanna Malýar rus goşunynyň Kahowka gidroelektrik stansiýasynyň bendini ukrain goşunynyň Herson sebitinde etjek hüjüminiň öňüni almak üçin partlatandygyny aýtdy.
Mundan başga, Malýaryň maglumatyna görä, Russiýa Bahmut we Zaporižýe ugurlaryna geçirmek üçin zerur bolan ätiýaçlyklary boşatmakçy bolýar.
Ministriň orunbasary telegramda rus goşunynyň iň söweşe ukyply bölümleriniň - deňiz güýçleriniň we howa güýçleriniň Herson sebitinden başga ýere geçirilmeginiň eýýäm başlanandygyny aýtdy.
Moskwa Malýaryň aýdanlaryna hiç bir düşündiriş bermedi.
Russiýa mundan öň Ukrainany ýykgynçylykda aýyplap, bendiň bilkastdan ýarylandygy baradaky ähli aýyplamany ret etdi. Şol bir wagtda, rus tarapy hiç bir subutnama görkezmedi.
Ukrainanyň prezidenti Wolodymyr Zelenskiniň gijeki ýüzlenmesinde aýtmagyna görä, Haagadaky Halkara jenaýat kazyýetiniň wekilleri Kahowska gidroelektrik stansiýasynyň bendiniň ýykylmagynyň sebäbini derňemäge başladylar.