Ukrainanyň howa hüjüminden goranyş gulluklary öten agşamyň dowamynda Russiýanyň atan 20 dronunyň ählisini urup düşürdi. Bu barada harbylar 17-nji maýda irden habar berdiler.
Ukrainanyň Harby howa güýçleriniň maglumatyna görä, dronlar ýurduň Harkiw, Poltawa, Winnytsya, Odesa we Mykolaýiw sebitleriniň üstünde urlupdyr.
Munuň netijesinde dörän adam ýitgileri ýa-da weýrançylyk barada bada-bat maglumat gowuşmady.
Bu aralykda, Harhiw regionynyň harby administrasiýasynyň başlygy Oleh Synýehubowyň maglumatyna görä, Harkiw şäheriniň üstünde bäş dron urlup, olaryň ýere gaçan galyndylary şäheriň etraplarynyň birinde ýangynyň döremegine sebäp bolupdyr.