30-njy maýda irden Ukrainanyň howa hüjüminden goranyş gulluklary Russiýanyň atan 19 ganatly raketasyndan ýedisini we 32 dronuny urup düşürendigini mälim etdi. Bular Ukrainanyň dokuz regionyna atylyp, olar harby we infrastruktura desgalaryny nyşana alypdyr.
Harby howa güýçler raketalaryň we dronlaryň ýurduň Hmelnytskiý, Dnipropetrowsk, Çerkasy, Kirowohrad, Zaporižýa, Odesa, Herson, Kiýew we Winnytsýa regionlarynyň üstünde urulandygyny habar berdiler.
Harkiwiň häkimi Ihor Terekowyň sözlerine görä, Russiýanyň öten agşamky zarbalary netijesinde Ukrainanyň demirgazyk-gündogaryndaky bu şäherinde möhüm infrastruktura desgalaryna, şol sanda gaz geçirijä zeper ýetipdir.