7-nji martda Russiýanyň Ukrainanyň üç regionyna saýgarmazdan raýat sebitlerine uran zarbalary netijesinde azyndan iki adam öldi, başga-da 15-si ýaralandy. Bu barada regional resmiler habar berdi.
Harkiwiň regional häkimi Oleh Synýehubow Russiýanyň Iskander-M kysymly raketasynyň Borowa obasyna düşmegi netijesinde, 70 ýaşly bir erkegiň ölendigini, şeýle-de asuda ilatyň arasyndan sekiz adamyň, şol sanda bäş çaganyň ýaralanandygyny aýtdy.
Donetskiň regional häkimi Wadym Filaşkin Russiýanyň Netailow sebitine uran zarbasynda bir adamyň heläk bolandygyny, başga-da üç adamyň şikeslenendigini aýtdy.
Herson regionynyň häkimi Oleksandr Prokudin rus zarbalarynda dört adamyň ýaralandygyny mälim etdi.