Ýaponiýa we ugurdaş ýurtlar Russiýa Ukrainadaky agressiýasyny bes edýänçä, oňa garşy girizilen sanksiýalary saklap galmaly we agzybir bolmaly diýip, Ýaponiýanyň daşary işler ministri Ýoşimasa Haýaşi 2-nji iýunda aýtdy.
“Ýagdaýdan çen tutulsa, hususan-da Russiýanyň aýdýan we edýän zatlaryndan çen tutulsa, meniň pikirimçe, G7-niň we ugurdaş ýurtlaryň heniz-de Russiýa garşy berk sanksiýalary dowam etdirmegi hem-de agzybir galmagy möhüm bolup durýar” diýip, Haýaşi metbugat ýygnagynda aýtdy.
Ol sanksiýalaryň Russiýany “öz agressiýasyny bes etmäge” höweslendirjegine, şonda dialog we parahatçylyk gepleşiklerinden peýdalanmak tapgyryna geçip boljagyna umyt bildirdi.