Ýewropa Bileleşiginiň sanksiýalaryň berjaý edilişine gözegçilik edýän ýörite wekili Dawid O’Salliwan 28-nji noýabrda Astanada gazak resmileri bilen gepleşikleri geçirdi.
Ol Merkezi Aziýanyň bu döwletiniň Russiýa iki-maksatly harytlaryň gaýtadan eksport edilmegini göz-görtele kemeldendigini, emma şol bir wagtda demirgazyk goňşusyna beýleki serişdeleriň eksportyny artdyrandygyny belledi.
Moskwanyň geçen ýyl Ukraina garşy esassyz başladan urşundan soň, Russiýa garşy halkara sanksiýalary girizilipdi.
O’Salliwanyň 29-njy noýabrda bu meseleleri maslahat etmek üçin, Özbegistana hem gelmegine garaşylýar.