Ysraýyl goşunlary Gazanyň esasy hassahanasynyň ähli ýerinde barlag, agtaryş işlerini geçirdiler, bu territoriýadaky aragatnaşygyň 17-nji noýabrda täzeden petiklenmegi desganyň içinden çykyp bilmän galan palestinaly raýatlar baradaky gorky-howatyrlary güýçlendirdi.
Esgerler 15-nji noýabrda bu toplumyň üstüne çozaly bäri, Al-Şifa hassahanasy Ysraýylyň Gazanyň demirgazygyndaky operasiýalarynyň merkezine öwrüldi.
Olar bu ýerde ÝB we ABŞ tarapyndan terror guramasy diýlip kesgitlenen Hamas söweşiji toparynyň serkerdelik merkeziniň ýerleşendigini aýdýarlar.
Ýangyç we energiýa üpjünçiliginiň kesilmegi sebäpli Gaza zolagy bilen saklanylýan aragatnaşygyň 17-nji noýabrda ýene bir gezek kesilendigi habar berildi.