Ysraýylyň howa güýçleri, yslamçy Hamas toparynyň hepde ahyrynda eden giň gerimli hüjüminden soň başlan gaýtawulynyň çäginde, Gaza zolagyna edýän garşylykly hüjümlerini öten agşam hem dowam etdirdi.
Onlarça söweş uçary Al-Furkan sebitinde 200-den gowrak nyşana hüjüm etdi diýip, Ysraýylyň Goranyş güýçleri (YGG) 11-nji oktýabrda, irden aýtdy.
Bu 24 sagadyň dowamynda Gaza zolagyna edilen üçünji giň gerimli hüjümler boldy. Goranyş güýçleriniň habaryna görä, jemi 450-den gowrak nyşana zarba uruldy.
YGG-niň metbugat sekretary Jonatan Konrikus 11-nji oktýabrda Hamasyň 7-nji oktýabrda başlan hüjümleri wagtynda Ysraýylda öldürilenleriň sanynyň azyndan 1200 adama ýetendigini aýtdy.