Owganystanyň resmileri Kabulda janyndan geçen burkaly bombaçynyň hüjüminde welaýat polisiýa başlygynyň öldürilendigini habar berýärler.
Resmileriň maglumatyna görä, Uruzgan welaýatynyň polisiýa başlygy Mattiullah Han 18-nji martda Kabulyň günbatarynda edilen hüjümde heläk bolupdyr.
Owganystanyň Içeri işler ministrliginiň beren maglumatynda, bombaçynyň “zenan eşiginde we burka geýendigi” habar berilýär.
“Talyban” hereketi bu hüjümiň jogapkärçiligini öz üstüne aldy.