Gazagystanyň milli puly teňňe amerikan dollary babatyndaky hümmetini ýene ýitirdi. Merkezi Aziýanyň iň uly ykdysadyýeti global derejede nebitiň bahasynyň pese gaçmagyndan we Orsýetdäki ykdysady krizisiň täsirini başdan geçirýär.
14-nji dekabrda Gazagystanyň banklary gazak teňňesiniň bahasyny bir amerikan dollary babatynda 334 teňňe möçberinde kesgitläpdi.
Bu görkeziji Gazagystanyň hökümetiniň 20-nji awgustda milli puluň hümmetini saklamak boýunça resmi çärelerden doly el çekeli bäri teňňäniň bahasynyň iň pes derejesidir.
Şu ýylyň başyndan bäri gazak teňňesi öz hümmetiniň 80% çemesini ýitirdi.