Pakistanyň Daşary işler ministrligi Owganystanyň, Pakistanyň, Hytaýyň we ABŞ-nyň wekilleriniň gelýän aý Yslamabatda duşuşyp, Kabul bilen «Talybanyň» arasynda «doňan» gepleşikleri gaýtadan başlamagyň maslahatyny etjekdigini aýtdy.
Daşary işler ministrliginiň sözçüsi Kazi Halilullah 6-njy fewraldaky duşuşygyň uruş tozduran owgan döwletinde parahatçylygy ýola goýmagyň kartasyny işläp-düzmek tagallasynyň bir bölegidigini aýtdy.
Bu soňky hepdelerde bu ugurda geçirilen şeýle maslahatlaryň üçünjisi bolar.