Yragyň hökümet güýçleri ekstremistleriň kontrollygyndaky Mosulyň demirgazygyndaky soňky oba baryp girdiler.
Yrak goşun bölümleriniň 23-nji oktýabr güni irden Mosulyň 5 km uzaklygyndaky Tal Kaýf obasyna girendigi aýdylýar.
«Yslam döwleti» toparyna garşy söweşýän yrak goşunlary bir gün öň, 22-nji oktýabrda Mosulyň 12 km uzaklygyndaky strategik şäher Hamdaniýany ele geçirdiler.
Hamdaniýa 2014-nji ýylyň awgustynda «Yslam döwleti» toparynyň jeňçileri tarapyndan eýelenmezinden öň esasan hristianlaryň agdyklyk edýän şäheridi.
Yrak goşuny Mosulyň 12 km çemesi uzaklygyndaky Bartella hem kontrollyk edýär.