“WikiLeaksyň” esaslandyryjysy Julian Assange ABŞ-nyň Demokratik partiýasynyň ogurlanan müňlerçe elektron hatynyň Orsýetiň çeşmelerinden özüne gowuşandygy baradaky çaklamalary ABŞ-nyň “Fox News” media kompaniýasyna beren interwýusynda ret etdi.
Assange 2012-nji ýyldan bäri özüne baş pena beren Ekwadoryň Londondaky ilçihanasynda geçiren bu interwýusynda ABŞ-nyň Demokratik Milli Komitetiniň (DNC) we Klintonyň kampaniýasynyň başlygy Jon Podestanyň ogurlanan dokumentleriniň WikiLeaksa kimiň berendigini anyklaşdyrýan maglumaty takyklaşdyrmady.
WikiLeaks bu dokumentleri ABŞ-nyň prezidentini saýlamak ugrundaky kampaniýanyň dowamynda çap etdi. ABŞ-nyň aňtaw gulluklary muny Moskwanyň Klintonyň garşydaşy Respublikan partiýasynyň dalaşgäri Donald Trampyň ýeňiş gazanmagy ugrundaky tagallalary diýip atlandyrdy.
“Bu çeşme Orsýetiň hökümeti däl. Bu döwlet edaralary däl” diýip Assange aýtdy.