Pakistan soňky 20 ýyl çemesi wagtyň dowamynda ilkinji ilat ýazuwyny geçirmek üçin howpsuzlyk şertlerini güýçlendirýär.
Pakistanyň ilat ýazuwy boýunça baş resmisi Asif Bajwa ýazuwyň 15-nji maýda jemlenjegini aýdýar. Onuň sözlerine görä ilkinji gezek barlaglaryň düzümine Pakistanda ýaşaýan 1 million çemesi owgan bosguny we transgender adamlary giriziler.
200 müň çemesi esger ilat ýazuwyny geçirýän adamlaryň howpsuzlygyny üpjün eder.
Pakistan dünýä ýurtlarynyň arasynda ilat sany boýunça altynjy ýerde durýar. 1998-nji ýylda geçirilen iň soňky ilat ýazuwynda Pakistanyň ilatynyň 180 million çemesidigi yglan edildi. Şondan soň ilat ýazuwyny geçirmek boýunça synanyşyklar ýurtda howpsuzlyk ýagdaýynyň ýaramazlygy sebäpli yza tesdirilipdi.