Gyrgyzystanyň sudy ýurduň öňki prezidenti Askar Akaýewiň ozalky körekenini gaýybana 20 ýyl türme tussaglygyna höküm etdi.
18-nji iýulda Gyrgyzystanyň Ýokary sudunyň metbugat wekili Azat Ýewropa/Azatlyk Radiosyna beren maglumatynda Adil Toýganbaýewiň maliýe we salgyt galplygynda, emlägi bikanun hususylaşdyrmakda günäli tapylandygyny aýtdy.
Asly gazagystanly 50 ýaşly Toýganbaýew Akaýewiň iň uly gyzy Bermet Akaýewanyň öňki adamsydyr.
2013-nji ýylda Gazagystan “Interpolyň” haýyşy esasynda Toýganbaýewi tussag edipdi, ýöne ony Gyrgyzystana ekstradisiýa etmegi ret edipdi. Şonda Gazagystanyň hökümeti özleriniň gazak raýatyny daşary ýurda ekstradisiýa etmeýändigini aýdypdy.
Şeýle-de, Toýganbaýew 2016-njy ýylda Dubaýda we 2014-nji ýylda Moskwada tussag edilipdi, ýöne hiç haçan Gyrgyzystana ekstradisiýa edilmändi.