ABŞ Hytaýyň Hýustondaky (Teksas) konsulhanasyny ýapmalydygyny aýtdy. Pekin muny berk ýazgaryp, munuň halkara kanunçylygyna çapraz gelýändigini we jogap çärelerine iterýändigini aýtdy.
Hytaýyň Daşary işler ministrliginiň 22-nji iýulda beren maglumatyna görä, ABŞ bu barada bir gün öň duýduryş berip, konsulhananyň 72 sagadyň içinde ýapylmalydygyny aýdypdyr.
ABŞ-nyň Döwlet departamentiniň sözçüsi konsulhananyň ýapylýandygyny tassyklady we munuň “amerikanlaryň intellektual eýeçiligini we şahsy maglumatlaryny goramak” maksady bilen edilendigini aýtdy.