Geçen hepde Azatlyk Radiosy Owganystanyň bir ýokary okuw jaýynda bilim alýan 60 ýaşly owgan türkmeni, Fazylmennan Arypynyň ýokary bilim tejribeleri barada habar berdi.
Eýsem, owgan türkmenleri bilim pudagynda nähili synaglary başdan geçirýär? 60 ýaşly owgan raýatyny ýokary bilim almaga höweslendiren sebäpler näme?
Galyberse-de, Azatlyk Radiosynyň Kabuldaky habarçysy Şaýmerdanguly Myrady soňky wagtlarda owgan türkmenleriniň arasynda türkmen adam atlaryny taşlamak meýilleriniň artýandygyny habar berýär.
Türkmen adam atlarynyň taşlanmagyna näme sebäp bolýar?
Owganystanda ýigrimi ýyl töweregi durnuksyzlyk dowam edýär. Owgan türkmenleri howpsuzlyk bilen bagly nähili problemalary başdan geçirýär.
Dünýä Türkmenleriniň bu sany owgan türkmenleriniň dürli meselelerine gönükdirilýär. Gepleşigimize Azatlyk Radiosynyň Kabuldaky habarçysy Şaýmerdanguly Myrady gatnaşdy.
Siziň brauzeriňiz HTML5 formatyny goldamaýar
Owgan türkmenleri: türkmen ýaşulysynyň bilim tejribesi, diasporanyň howpsuzlyk aladasy we beýlekiler