Rus metbugatynyň habaryna görä, rus hokkeý derwezeçisi Iwan Fedotow Sankt-Peterburgyň harby komissariatyndan tiz kömek ulagy bilen äkidilip, keselhana ýerleşdirildi.
Rus häkimiýetleri bu barada resmi beýanat etmedi we Fedotowyň saglyk ýagdaýy barada hiç hili maglumat berilmedi.
1-nji iýulda 25 ýaşly Fedotow harby gullukdan gaça durmakda şübhelenip, harby prokurorlaryň haýyşy boýunça tussag edilipdi.
Geçen aýda Russiýanyň iň gowy derwezeçilerinden biri we milli ýygyndysynyň agzasy Fedotow ABŞ-nyň milli hokkeý ligasynyň "Philadelphia Flyers" topary bilen şertnama baglaşdy we ABŞ-da oýnamak üçin Goşunyň merkezi sport klubyny (CSKA) terk etmegi planlaşdyrdy.
CSKA Russiýa goşunynyň buz hokkeý klubunyň agzalary resmi taýdan harby gullukçy hasaplanýar. Şonuň üçin CSKA şertnamalarynyň oýunçylar tarapyndan ýatyrylmagy bikanun hasaplanyp bilýär.
Fedotow 2021-22 ýyllarda Russiýanyň Kontinental hokkeý ligasynda (KHL) CSKA Moskwa komandasynyň hatarynda oýnady we topary liganyň çempionlygyna alyp bardy. KHL-iň iň gowy derwezeçisi baýragy ugrunda üç finalçysynyň biri diýlip yglan edildi.
Fedotow Pekinde geçirilen gyşky Olimpiýa oýunlarynda Russiýanyň 2022-nji ýyldaky Olimpiýa toparynda-da oýnap, başlangyç derwezeçi hökmünde kümüş medal gazandy.