Ýurduň dawaly ýadro programmasy, adam hukuklarynyň gödek bozulmagy we Russiýany pilotsyz uçarlar bilen üpjün etmegi sebäpli ýokarlanýan halkara izolýasiýasynyň arasynda, Eýranyň milli puly rial 26-njy fewralda, resmi däl bazarda ABŞ dollarynyň garşylygyndaky hümmetini rekord derejede pese gaçyrdy.
ABŞ-nyň dollary Eýranyň resmi däl bazarynda 24-nji fewralda 540,000 rial, bir gün ozal 575,000 rial bahalanan bolsa, häzir 601,500 riala çykdy diýip, Bonbast.com walýuta alyş-çalyş saýty habar berdi.
Eýran häkimiýetleri milli walýutanyň hümmetiniň gaçmagyny "duşmanlaryň dildüwşügi" bilen düşündirmäge synanyşdy, ýagny olaryň 16-njy sentýabrda türme tussaglygynda ýogalan ýaş gyzyň ölümi sebäpli başlanan we birnäçe aýlap dowam eden tolgunyşyklardan soň, ýurdy durnuksyzlaşdyrmak isleýändigini öňe sürdi.