2022-nji ýylda Eýranda ölüm jezasy berlip öldürilenleriň sany "kesgin ýokarlandy" diýip, adam hukuklaryny goraýjy guramalar 13-nji aprelde aýtdy.
Tähran gürrüňi edilýän ýylda azyndan 582 adamy jezalandyryp öldüripdir.
Bu 2015-nji ýyldan bäri iň ýokary görkeziji diýip, Eýranyň düýbi Norwegiýada ýerleşýän adam hukuklary topary (EAH) we Fransiýanyň “Bilelikde ölüm jezasyna garşy” atly toparynyň taýýarlan hasabatynda aýdylýar.
Eýranyň adam hukuklary toparynyň müdiri halkara derejesinde ýazgarylmagynyň Tährany belli bir derejede ýaýdandyrýandygyny, ýöne geçen sentýabrda bir ýaş gyzyň tussaglykda ölmegi netijesinde gürelen halk protestleriniň arasynda, Eýranyň ölüm jezasyny halky gorkuzmak üçin ulanmagyny dowam etdirýändigini aýtdy.