Italiýanyň ‘Ndrangheta’ mafiýasyna garşy birnäçe ýewropa ýurdunda geçirilen "giň gerimli" operasiýanyň çäginde, german polisiýasy onlarça adamy tussag etdi diýip, Germaniýanyň prokurorlary 3-nji maýda aýtdy.
Ýüzlerçe nemes ofiseri ýurduň bäş böleginde reýd geçirdi diýip, sebit prokurorlarynyň beýanatynda aýdylýar.
Bu hili operasiýalar Belgiýada, Fransiýada, Italiýada, Portugaliýada we Ispaniýada hem geçirildi diýip, beýanatda bellenýär.
Onlarça kwartira, jaýa we ofise edilen reýdler mahalynda 30-dan gowrak adam tussag edildi.
Güman edilip saklanan adamlar pul ýuwmakda, salgyt tölemekden gaçmakda, galplykda we neşe gaçakçylygynda aýyplanýar diýip, german häkimiýetleri aýtdy.