Ukraina rus gipersonik raketasyny urup ýykandygyny öňe sürýär we muny amala aşyrmakda ABŞ-nyň “Patriot” howa hüjümlerinden goranyş raketa ulgamlarynyň ulanylandygyny aýdýar. Bu barada Ukrainanyň Howa güýçleriniň serkerdesi Mykola Olesçuk 6-njy maýda Telegramda ýazdy.
“Hawa, biz ‘deňi-taýy bolmadyk’ Kinžaly tutup aldyk” diýip, ol ýazdy we yzyndan “Partiot” sözüni goşup, Ukraina baýdagynyň emojisini galdyrdy.
“Kh-47 Kinžal” gipersonik ballistik raketasydyr. Ukraina azyndan iki sany “Patriot” ulgamlaryny kabul etdi, olaryň biri ABŞ-dan beýlekisi Germaniýadan getirildi.