Eýran sosial mediany "ateizmi wagyz etmäge we dini hem-de yslam mukaddesliklerini kemsitmäge" ulanandygy üçin ölüm jezasyna höküm edilen iki adamy jezalandyrdy.
Ýousuf Mehrdadyň we Sadrollah Fazeli Zareň ýüpden asylyp öldürilendigi 8-nji maýda ýurduň kazyýet gullugynyň habarlar websaýty "Mizan" tarapyndan yglan edildi. Ýöne onda iki adamyň haçan jezalandyrylandygy aýdylmady.
Zareniň we Mehrdadyň kazyýet işleriniň 2019-njy ýylda, Arak Rewolýusiýa kazyýetinde bildirilen aýyplamalara esaslanýandygy aýdylýar. Üç ýaş çaganyň kakasy Mehrdad Internetde hudaýa dil ýetirmekde we Gurhany ýakmakda aýyplandy. Zareniň pygamberi we Yslamy kemsidendigini boýun alandygy aýdylypdy.
Norwegiýada ýerleşýän Eýranda adam hukuklary guramasynyň maglumatyna görä, olaryň asylmagy, Eýranyň soňky iki hepdäniň dowamynda her alty sagatdan bir adamy jezalandyrýandygyny görkezýär.