Germaniýanyň goranmak ministri Boris Pistorius Ýewropa Bileleşiginiň goranmak ministrleriniň 23-nji maýda Brýusselde geçiren duşuşygynda, Wengriýanyň Ukraina üçin nobatdaky harby hemaýatyň öňüni baglamagyny tankytlady.
Pistorious “wengriýaly dostlaryň hemaýatyň öňüni baglamak bilen bagly hereketlerine belli bir derejede lapykeç bolandygyny” aýtdy.
Bu ädimden öň, Ukraina Wengriýanyň iň iri OTP bankyny Russiýanyň basybalyjylykly hüjümini goldaýanlaryň sanawyna girizdi. Bu karar Budapeştde gahar-gazap bilen garşylandy.
Wengriýanyň hökümetiniň metbugat wekili, OTP banky sanawdan aýrylmaýança, Budapeştiň islendik harby hemaýata garşy çykjakdygyny aýtdy.