Ukrainanyň harbylary Russiýanyň ýurduň günorta-gündogaryndaky basyp alan sebitinde ýerleşýän ýadro desgasynda “uly gerimli prowokasiýany” guramalaşdyrýandygyny aýdýar. Harbylar bu öňe sürmesine hiç hili delili getirmeýärler. Şol bir wagtda, munuň Ukrainanyň garşylyklaýyn hüjüm tagallalaryny gowşatmagy maksat edinýändigi bellenilýär.
Ukrainanyň Goranmak ministrliginiň aňtaw direktoratynyň 26-njy maýda beren maglumatyna görä, rus güýçleri Ýewropadaky iň iri Zaporižýa ýadro desgasyna zarba urmagy planlaşdyrýarlar.
Beýanatda rus güýçleriniň munuň bilen radioaktiw syzmany emele getirip, garşylyklaýyn hüjüm hereketlerini wagtlaýyn togtatmak üçin, halkara derňewiň geçirilmegini gazanjak bolýandygy aýdylýar.