Ysraýyl, Birleşen Ştatlar bilen Eýranyň arasyndaky "düşünişmäni", eger ol Tähranyň ýadro programmasyna berk gözegçilik etmegi öz içine alan halatynda, ony kabul ederlikli hasap edip biler diýip, ýokary derejeli kanun çykaryjy 17-nji iýunda köpçülige ýaýradylan çykyşynda aýtdy.
Waşington Eýranyň ýadro programmasyny çäklendirip biljek ädimleri kesgitlemek üçin Eýran bilen gepleşikleri geçirýär.
Bu ädimler ABŞ Kongresiniň gözden geçirmegini talap edýän ylalaşyk hökmünde däl-de, “düşünişmek” hökmünde kabul ediler.
"Bu giň gerimli ylalaşyk däl. Bu kiçijik ylalaşyga, düşünişmek memorandumyna meňzeýär... we meniň pikirimçe hakyky gözegçilik bar bolsa, Ysraýyl bu meseläni kabul edip biler" diýip, Ysraýylyň parlamentiniň Daşary işler we goranmak komitetiniň başlygy Ýuli Edelstein aýtdy.