Aklawçy Irina Gak öz müşderisiniň, 40 ýaşly aktiwist Anatoliý Berýozikowyň boşadylmagyndan bir gün öň, Russiýanyň günorta-günbataryndaky şäherde, Don boýundaky Rostowyň polisiýa bölüminde agyr gynalandygyny aýtdy.
Gak 15-nji iýunda Berýozikowyň ýanyna bir gün öň barandygyny we onuň bedeninde elektrik togunyň yzlaryny görendigini aýtdy. Şeýle-de ol müşderisiniň polisiýa işgärleriniň özüne öldürmek haýbatyny atandygyny gürrüň berendigini aýtdy.
Polisiýa bölüminiň ofiseri 15-nji iýunda Berýozikowyň özüni öldürendigini aýtdy. Berýozikow maý aýynyň başyndan bäri Russiýanyň Ukrainadaky urşuny tankytlaýan listowkalary ýaýratmagy netijesinde bozgaklykda aýyplanyp, birnäçe gezek 15 gün azatlykdan mahrum edildi.