Ýaş aktiwistler tussaglykdan boşadyldy
Siziň brauzeriňiz HTML5 formatyny goldamaýar
Azerbaýjanyň NIDA atly ýaşlar guramasynyň üç agzasy Elsewer Mursalli, Bahtiýar Guliýew we Şahin Nowruzlu prezidentiň günä geçişliginde 18-nji oktýabrda türmeden boşadyldy. Mursalli we Guliýew türmeden boşadylmagynyň yzýany prezident Ilham Aliýewiň kakasy öňki prezident Heýdar Aliýewiň guburyna gül goýup, hormat bildirdiler. Ilham Aliýew 17-nji oktýabrda 84 adamyň günäsini geçdi. NIDA guramasynyň sekiz agzasy geçen ýyl hökümete garşy ýörişe gatnaşansoň, köpçülikleýin bidüzgünçilikleri gurnamakda aýyplanyp, tussag edilipdi.