Birleşen Milletler Guramasynyň adam hukuklary boýunça başlygy Wolker Turk 19-njy dekabrda Russiýanyň Ukrainadaky parahat ilaty goramak babatynda zerur bolan çäreleri görmek meselesinde "uly şowsuzlyga" uçrandygyny we rus güýçleriniň ol ýerde uruş jenaýatlaryny edendiklerini görkezýän alamatlaryň bardygyny aýtdy.
Turk Ženewadaky Adam hukuklary geňeşinde çykyş edip, öz edarasynyň edýän gözegçiliginiň "ilkinji nobatda Russiýa Federasiýasynyň güýçleri tarapyndan halkara adam hukuklary kanunlarynyň gödek bozulandygyny, halkara ynsanperwerlik kanunlarynyň düýpli basgylanandygyny we uruş jenaýatlaryna ýüz urlandygyny görkezýändigini" aýtdy.