15-nji dekabrda irden Eýranyň günorta-gündogaryndaky, Pakistan bilen serhediniň golaýyndaky Sistan-Bulujystan welaýatynda polisiýa edarasyna edilen hüjümde 11 ofiser heläk boldy, başga-da ençemesi ýaralandy.
Polisiýa käbir hüjümçileriň-de “ýa öldürilendigini, ýa-da ýaralanandygyny” aýtdy.
Ýerli häkimiň orunbasary Alireza Marhamati muny “terroristik hüjüm” hökmünde häsiýetlendirdi.
Döwletiň eýeçiligindäki IRNA habar gullugynyň maglumatyna görä, hüjümiň jogapkärçiligini sünni jyhadçylaryň “Jaiş al-Adl” (“Hakyň goşuny”) topary öz üstüne alypdyr. Bu topar geçmişde Eýranyň serhet güýçleri, şeýle-de Yslam Rewolýusiýa Sakçylary Korpusynyň agzalary bilen ençeme gezek çaknyşypdy.