Dünýäniň 20 ýurdundan durýan toparyň ýolbaşçylary, Ukrainadaky uruş baradaky dürli gaýraýyşlar we sammiti netijeli geçirmek üçin zerur bolan ylalaşyk üstünde barýan çekişmeleriň arasynda, özleriniň ýyllyk sammitine gatnaşmak üçin Nýu-Deli şäherine gelip başladylar.
Hindi paýtagtynyň köçelerindäki harabalar aýryldy, maýmynlar we eýesiz itler kowuldy.
Şeýle-de, iki günlük sammitiň kadaly geçmegini üpjün etmek üçin görlen howpsuzlyk çäreleriniň çäginde kärhanalar, ofisler we mekdepler ýapyldy.
Ýöne bu ýygnanyşyk Russiýanyň urşy, azyk howpsuzlygy, bergi-borç kynçylyklary, howa özgermesindäki hyzmatdaşlyk ýaly düýpli meseleler boýunça has çuň bölünişikler bilen ýüzbe-ýüz bolýar.