Garibaşwili Günbataryň maksatlaryny goldady

Gürjüstanda syýasy krizis dowam edýärkä premýer-ministri Irakly Garibaşwili ýurduň Ýewropa bilen integrasiýa ýoluna ýykgyn edýändigini Ýewropa Bileleşiginiň we NATO-nyň resmilerine Brusselde aýtdy. Şeýle-de ol Orsýetiň Gürjüstandan bölünip aýrylan Abhaziýa regiony bilen täze ylalaşyga gol çekmek barada teklibine aladalanma bildirdi. Şu aýyň başynda Garibaşwili birnäçe harby ofiserleriň tussag edilmegini “Gürjüstanyň Ýewro-Atlantik ýoluna hüjüm” hökmünde tankyt eden goranmak ministri Irakly Alasaniýany işden boşatdy.