4-nji iýunda Gyrgyzystanyň Müftüligi golaýda ýurduň günortasyndaky Jalal-abad regionynda milli baýdagyň kemsidilmegini ýazgaryp, beýanat çap etdi.
Geçen hepde Suzak etrabynda näbelli adamlar iki mekdebiň üstündäki milli baýdaklary aýyryp, olary ýakdylar. Muny edenler soňy bilen, aýyran baýdaklarynyň deregine ýüzünde arapça dini çagyryşlar ýazylan ak baýdaklary ýerleşdirdiler.
Gyrgyz Müftüligi ozalky sowet respublikasynyň raýatlaryny "halkyň bitewiligini, watanyň asudalygyny saklamaga we döwletiň kuwwadyny artdyrmaga", şeýle-de dini gymmatlyklara we milli nyşanlara, şol sanda milli baýdaga hormat goýmaga” çagyrdy.