ABŞ we ÝB tarapyndan terror guramasy diýlip kesgitlenen Hamas topary 11-nji iýunda, göz öňünde tutulýan ylalaşyga käbir ‘bellikleri” girizip, Katar we Müsür araçylaryna ABŞ-nyň Gazadaky atyşygy bes etmek baradaky teklibine jogap berendigini aýtdy.
Hamas we “terrorçy gurama” diýlip kesgitlenen kiçiräk topar - “Yslamçy Jihad”, "ylalaşyga gelmek üçin oňyn çemeleşmä" taýýardyklaryny, öz ileri tutulýan ugurlarynyň urşy "doly bes etmekden" ybaratdygyny aýtdy.
Hamasyň ýokary derejeli resmisi Liwanyň “Al-Maýadeen” telewideniýesine bu toparyň "araçylara teklip baradaky bellikleriniň käbirini iberendigini" aýtdy, ýöne hiç bir jikme-jikligi açmady.