Gazanyň Hamas tarapyndan dolandyrylýan saglyk ministrligi 23-nji oktýabrda gabalan Palestina anklawynda Ysraýylyň iki hepde gowrak mundan ozal başlan ýykgynçylykly bombalamalary netijesinde 5000-den gowrak adamyň ölendigini aýtdy.
Hamasyň 7-nji oktýabrda başlan hüjümi netijesinde turan uruş sebäpli Gazada çuňlaşýan ynsanperwerlik krizisi howsalalarynyň arasynda, ysraýyl resmileri 1400-den gowrak adamyň yslamçy terrorçylar tarapyndan atylyp öldürilendigini, pyçaklanandygyny ýa ýakylandygyny aýtdylar. Şeýle-de, Hamas 200-den gowrak adamy zamun aldy.
Gazanyň saglyk ministrligi ölenleriň sanynyň 5000-den gowrakdygyny, olaryň 2000-den gowragynyň çagalardygyny aýtdy, emma AFP bu sanlaryň garaşsyz tassyklanyp bilinmeýändigini aýtdy.