Ukrainanyň Russiýa tarapyndan okupirlenen Krym ýarymadasynda Moskwanyň dikme polisiýa işgärleri azyndan bäş krym tataryny terrorizm aýyplamalary esasynda sakladylar we olaryň öýlerini dökdüler. 5-nji martdaky çäreler barada Adam hukuklary boýunça Krymyň Raýdaşlyk topary mälim etdi.
Saklanan aktiwistleriň biriniň aýalynyň aýtmagyna görä, polisiýa “gadagan edilen edebiýaty” gözläpdir.
Russiýa 2014-nji ýylda Krymy bikanun ýagdaýda anneksirländen soňra, Moskwa sebitde ýaşaýan etniki tatarlara basyş edip başlady. Krymly tatarlaryň aglabasy Russiýanyň anneksiýasyna açyk garşy çykypdylar.