Subutnamalar Ukrainanyň Russiýanyň gözegçilik edýän ýerinde ýerleşýän ägirt uly Kahowka bendiniň ýarylmagyna Russiýa tarapyndan goýlan partlaýjynyň sebäp bolandygyny yşarat edýär diýip, “New York Times” gazeti aýdýar.
Inženerlere we partlaýjy maddalar boýunça hünärmenlere salgylanyp, gazet 17-nji iýunda öz derňewiniň 6-njy iýunda ýykylan bendiň beton sütünleriniň arasynda goýlan partlaýylaryň partlamagy netijesinde ýarylandygyny görkezýän subutnamalaryň tapylandygyny aýtdy.
"Subutnamalar bendiň oňa gözegçilik edýän tarapyň, Russiýanyň partlatmagy esasynda ýykylandygyny açyk yşarat edýär” diýip, Times ýazýar.
Şu aralykda, halkara guramasynyň metbugat gullugynyň maglumatyna görä, BMG-niň Ukrainadaky ynsanperwer utgaşdyryjysy Denise Braun Russiýanyň özüni Kahowkanyň bent ýarylmagyndan ejir çeken sebitlere goýbermändigini aýtdy.