18-nji ýanwarda irden Pakistanyň harby uçarlary goňşy Eýrandaky güman edilýän jeňçileriň nyşanalaryna zarbalary urdular. Ýerli eýran resmileri hüjümde azyndan dokuz adamyň, şol sanda dört çaganyň we üç aýalyň heläk bolandygyny aýtdylar.
Sistan-Bulujystan welaýatyna urlan zarbalar, mundan bir gün öň Eýranyň Yslam rewolýusiýa sakçylary korpusynyň Pakistanyň günorta-günbataryndaky Bulujystan welaýatyna hüjüm edip, iki çagany öldürmeginden soň amal edildi.
Pakistanyň Daşary işler ministrligi zarbalarda “terroristleriň” bazalarynyň nyşana alnandygyny aýtdy.