Ukrain güýçleriniň öten agşam Krymyň demirgazyk-günbatar bölegine eden dron hüjüminde ýir ýaş gyz öldürildi diýip, Russiýa tarapyndan anneksiýa edilen sebitiň häkimi Sergeý Aksýonow 20-nji iýulda telegramda ýazdy.
"Duşmanyň adamsyz uçary tarapyndan edilen hüjüm netijesinde Krymyň demirgazyk-günbataryndaky bir şäherçede administratiw binalaryň dört sanysyna zyýan ýetdi... Gynansak-da, pidasyz bolmady - ýaş gyz öldi" diýip, Moskwa tarapyndan bellenen häkim ýazdy. Bu maglumatlary garaşsyz ýagdaýda tassyklap bolmady.
Aksýonowyň aýdanlary Russiýanyň Krymdaky harby desgasyndaky ok-däri ammarynda bolan partlama we ýangyn sebäpli müňlerçe parahat ýaşaýjynyň ewakuasiýa edilmeginiň yz ýanyna gabat geldi.