Basylyp alnan Krymyň Russiýa tarapyndan bellenilen gubernatory Mihail Razwožaýew Sewastopol şäheriniň ýokarsyndaky howa giňişliginde “köpçülikleýin” ukrain raketa hüjüminiň yzyna serpikdirilendigini aýtdy.
Razwožaýew deňziň we Belbek howa meýdançasynyň ýokarsynda birnäçe raketanyň atylyp gaçyrylandygyny aýtdy.
Adam pidalarynyň bolandygy ýa bolmandygy barada maglumat berilmeýär.
Russiýanyň Goranmak ministrligi özüniň howa gorag güýçleriniň Krymyň ýokarsynda uzak aralyga niýetlenen 10 raketany atyp gaçyrandygyny mälim etdi.
Russiýanyň öňe sürmelerini garaşsyz tassykladyp bolmady.
Moskwa soňky hepdelerde Ukrainany ABŞ tarapyndan üpjün edilen goşun taktiki raketa ulgamlaryny, ýagny “ATACMS” diýlip atlandyrylýan uzak aralyk raketa ulgamlaryny ulanyp başlamakda, subutnama getirmezden, aýyplady.