Özbegistan Russiýa bilen Moskwanyň Merkezi Aziýa ýurdunda kiçiräk atom elektrik stansiýasyny gurmagy barada şertnama baglaşdy.
Bu 27-nji maýda iki günlük sapara gelen rus prezidenti Wladimir Putiniň Daşkentde özbek kärdeşi Şawkat Mirziýoýew bilen gol çeken birnäçe şertnamasynyň biri boldy.
Metbugat gullugynyň gepleşiklerden soň ýaýradan beýanatynda özbek lideri bu taslamany "möhüm" diýip öwdi we Özbegistanyň öz "uly uran ätiýaçlyklarynyň bardygyny" belledi.
Putin Özbegistanyň ýadro energiýasy bazarynda "netijeli işlemek üçin ähli zady etmek" wadasyny berdi.