15-nji martda irden Russiýanyň güýçleriniň Ukrainanyň ençeme sebitine dronlar we raketalar bilen eden hüjümi netijesinde azyndan iki adam öldi, başga-da ençemesi ýaralandy. Bu barada harby we regional resmiler maglumat berýär.
Günbatardaky Winnytsýa regionynyň adybir paýtagtyndaky bir ýaşaýyş jaýyna Russiýanyň atan drony düşende, bir adam şol ýerde jan berdi, başga-da ençeme ýaşaýjy ýaralandy. Bu barada regional häkim Serhiý Borzow Telegram kanalynda mälim etdi, we soňundan keselhanada şikes alan ýene bir aýalyň ýogalandygyny aýtdy.
Ukrainanyň harbylary 15-nji martda Russiýanyň ýurduň regionlaryna Şahed kysymly 27 drony we sekiz raketany atandygyny aýtdylar.