6-njy noýabrda Ysraýyl Gaza zolagyna zarbalary urdy. Ysraýyl harbylary daşy gabalan sebitde Hamas jeňçilerine garşy söweşýärler. Bu aralykda, BMG-niň hemaýat beriş agentlikleri bir aýa golaýlaýan konflikde asuda ilatdan ýitgileri ýazgaryp, ok atyşyklary bes etmäge çagyrýarlar.
Ysraýylyň harbylary gür ilatly Gazada Hamas jeňçileri bilen öýme-öý söweş hereketlerini alyp barýarlar.
7-nji oktýabrda Hamasyň jeňçileri 1 müň 400-den hem aşa adamy, esasan asuda ilatly öldürdi we 240 töweregi adamy zamun aldy.
Hamas tarapyndan dolandyrylýan Gazanyň saglyk ministrligi Ysraýylyň ýaýbaňladan zarbalary we gury-ýer kampaniýasy netijesinde 9 müň 770 adamyň heläk bolandygyny aýdýar.