Ysraýyl Gazada bir aýdan hem aşa wagt bäri dowam edýän söweş hereketleriniň dowamynda iň uly söweş ýitgisine duçar bolandygyny 13-nji dekabrda mälim etdi.
Ysraýyl, harbylaryň gabawa düşmegi netijesinde, 10 esgeriň, şol sanda iki sany polkownigiň hem heläk bolandygyny aýtdy.
Gazanyň demirgazyk we günorta sebitlerinde çaknyşyklar dowam edýär.
Mundan bir gün öň, BMG dessine gumanitar ateşkesiň yglan edilmegine çagyrdy.
ABŞ-nyň prezidenti Jo Baýden Ysraýylyň asuda ilaty “parh bermezden” bombalamagy halkara goldawa täsir ýetirýändigini aýtdy.
Ysraýylyň premýer-ministri Benýamin Netanýahu ok atyşyklary bes etmek baradaky halkara basyşlara garamazdan, harbylaryň söweş hereketlerini dowam etdirjekdigini aýtdy.