Ysraýyl Gaza zolagynyň günorta sebitinde alyp barýan söweş hereketleriniň “intensiw” tapgyrynyň golaýda tamamlanjakdygyny aýtdy.
Ysraýylyň goranmak ministri Ýoaw Gallant bu barada 15-nji ýanwarda beren metbugat ýygnagynda aýtdy, şeýle-de Gazanyň demirgazygynda bu tapgyra eýýäm ýetilendigini belledi.
Bu aralykda, BMG-niň başlygy Antonio Guterreş “gumanitar ýagdaýda ok atyşyklary dessine bes etmäge” çagyrdy. Ol munuň “zerur bolan hemaýaty mätäçlik çekilýän ýere aşyrylmagyny kepillendirmek üçin” gerekdigini belledi.