Žurnalistleri goramak baradaky komitet (CPJ) gyrgyz kazyýetiniň korrupsiýa garşy derňew işlerini alyp barýan žurnalistleriň, "Temirow LIVE" metbugat toparynyň häzirki we öňki işgärleriniň 11-siniň iki aýlap deslapky tussaghanada saklanmagyny goldan kararyny ýazgardy.
Düýbi Nýu-Yorkorkda ýerleşýän gurama bu žurnalistleriň tussag edilmegini "häzirki zaman gyrgyz taryhynda metbugat azatlygyna edilen görlüp-eşidilmedik hüjüm" diýip atlandyrdy.
"Häkimiýetler tussag edilen 11 žurnalisti, "Temirow LIVE" toparynyň häzirki we öňki iäşglerini derrew boşatmaly, olara bildirilýän galp aýyplamalary ýatyrmaly we garaşsyz habar taýýarlaýanlaryň basylyp ýatyrylmagyny bes etmeli" diýip, guramanyň Ýewropa we Merkezi Aziýa programmasynyň utgaşdyryjysy Gulnoza Said aýtdy.
Bişkek şäher kazyýeti 1-nji fewraldan 6-njy fewrala çenli geçirilen birnäçe diňlenişikde Temirow LIVE toparynyň häzirki habarçylarynyň - Mahabat Täjibek-gyzynyň, Aýke Beýşekaýewanyň, Akyl Orozbekowyň, Sapar Akunbekowyň we Azamat Işenbekowyň, derňew toparynyň öňki habarçylarynyň - Aktilek Kaparowyň, Tynystan Asypbekowyň, Joodar Buzumowyň, Saipidin Soltanaliýewiň, Maksat Tajibek-uulunyň we Jumabek Turdaliýewiň şikaýat arzalaryny ret etdi.